Ғазога ёрдам юки кира бошлади
11 ҳафталик қамалдан сўнг гуманитар ёрдам, жумладан болалар учун озиқ-овқат ортилган БМТга тегишли беш юк машинаси Ғазо сектори томон йўл олди. Бу ҳақда BBC ёзган.
Исроилнинг хайрихоҳлигини БМТ гуманитар масалалар бўлими раҳбари олқишлади. Бинобарин, экспертлар яқинлашиб келаётган очарчиликдан огоҳлантираётган бир пайтда, бу миқдор ҳудуддаги 2,1 миллион фаластинлик учун “денгиздан томчи" экани таъкидланмоқда.
Озиқ-овқат маҳсулотларини вақтинча олиб кириш қарори АҚШ Сенатидаги иттифоқчилар босими натижасида қабул қилингани айтиляпти.
Бош вазир Биньямин Нетаньяху якшанба куни бошланган ХАМАСга қарши кенгайтирилган қуруқлик ҳужумининг бир қисми сифатида Ғазонинг "барча ҳудудлари назоратга олиниши"ни такрорлади.