Қирғизистонда Халқаро теннис федерацияси мусобақалари тақвимидан жой олган J30 таснифига кирувчи мусобақада 4 нафар ҳамюртимиз иштирок этмоқда.

Мусобақанинг асосий тўр баҳслари учун ўтказилган саралаш босқичида Арслон Алиев дастлаб нейтрал теннисчи Максим Серебровни 6:1, 6:7, 10:7 ҳисобида таслим қилган бўлса, саралаш финалида япониялик Косеи Сакамотони 6:3, 5:7, 10:3 ҳисобида енгди. Шу тариқа,  асосий тўрнинг биринчи даврасига йўл олган Арслонга мезбонлар вакили Святослав Буриев қаршилик кўрсатади.  

Шунингдек, яккалик беллашувларининг биринчи босқичида ҳамюртларимиздан Алан Зинатулин украиналик Назарий Салиев, Никита Гафуров япониялик Иппей Матсушива, Асилбек Исмоилов нейтрал теннисчи Иван Матвеевга қарши кортга чиқадиган бўлди.  

Жавоҳир Тошхўжаев,

ЎзА