Грузия пойтахти Тбилиси шаҳрида теннис бўйича давом этаётган М25 таснифига кирувчи халқаро турнирда Сергей Фомин жуфтлик баҳсларида ярим финалга чиқди.

Мамлакатимизнинг иккинчи рақамли теннисчиси халқаро мусобақанинг жуфтлик беллашувларида нейтрал теннисчи Эрик Арутиюниан билан тандем ҳосил қилиб, чорак финал босқичида кипрлик Элефтериос Неос ва нейтрал теннисчи Семен Панкин жуфтлигига қарши рақобатлашди.

Кескин ва муросасиз ўтказилган ушбу учрашувда Сергей ва Эрик рақибларини уч сетда – 6:5, 6:7, 10:8 ҳисобида таслим қилди ва ярим финалга йўл олди. Энди улар финал йўлланмаси учун ўтадиган ўйинда грузиялик Александра Бакши ва словакиялик Лукаш Покорни дуэтига қарши кортга чиқади.

Жавоҳир Тошхўжаев,

ЎзА