Швейцарияда экологик тоза энергия манбаларидан фойдаланиш бўйича яна бир инновацион лойиҳа бошланган.

Мамлакатдаги Sun-Ways номли стартап темир йўл рельслари оралиғига қуёш панеллари ўрнатиш ишларини бошлади. Бу технология ҳозирча синов босқичида, аммо у аллақачон бошқа давлатларда ҳам катта қизиқиш уйғотган. Бу ҳақда Swiss Info нашри хабар берди.

Лойиҳанинг асосий мақсади — темир йўл инфратузилмасидан самарали фойдаланиш орқали тоза энергия ишлаб чиқариш. Sun-Ways компаниясининг фикрича, бу ёндашув мамлакат энергетика тизимига муҳим ҳисса қўшади ва экологик барқарорликни таъминлайди.

Қуёш панеллари махсус поезд орқали темир йўл бўйлаб автоматик тарзда ўрнатилади. Бу эса ишчи кучини камайтириш ва вақтни тежаш имконини беради. Панеллар рельслар орасидаги бўшлиқдан самарали фойдаланади ва поезд ҳаракатига халақит бермайди.

Технология ҳали тўлиқ ишга тушмаган бўлсада, у Европа ва бошқа минтақалардаги «яшил энергия» тарафдорлари томонидан катта эътибор билан кузатилмоқда. Мутахассислар бу каби лойиҳалар яқин келажакда глобал энергетика инқирозига қарши самарали ечимлардан бири бўлиши мумкинлигини таъкидламоқда.

<iframe width="640" height="420" src="https://www.youtube.com/embed/NQe0mcOX688" title="Relslar ostida quyosh" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Анвархўжа Аҳмедов (видео), ЎзА