Бирлашган Миллатлар Ташкилоти Бош котиби Антониу Гутерриш Қўшма Штатлар томонидан гуманитар дастурларни молиялаштириш камайганидан хавотир билдирди ва шу сабабли БМТ “парчаланиб кетмаслигига” ишонч билдирди.

– Албатта, БМТга энг кўп маблағ ажратаётган, тараққиёт ва гуманитар ҳамкорликка энг катта ҳисса қўшаётган давлат – АҚШ ўз ҳиссаларини кескин камайтирганидан хавотирдаман, -деди Гутерриш Берлинда Германия канцлери Фридрих Мерц билан бўлиб ўтган матбуот анжуманида. – Вазият шундай бўлсада БМТ тарқаб кетмайди.

Март ойида Ташкилот Бош котиби “БМТ-80” ташаббуси бошланганини эълон қилди. Ушбу ислоҳотлар ташкилотнинг харажатларни оптималлаштириш бўйича тафтиш ўтказишни ўз ичига олади. 

Ислоҳотлар Қўшма Штатлар томонидан БМТ бюджетига ажратмалар қисқартирилиши ва ҳозирги Америка маъмуриятининг гуманитар лойиҳаларни молиялаштириш бўйича позицияси шароитида амалга оширилмоқда.

С.Раҳимов, ЎзА