13-may, 2025 — Google o‘zining global ma’lumotlar markazlarini toza energiya bilan ta’minlash maqsadida yadro energetikasi sohasidagi innovatsion startap — Elementl Power bilan hamkorlik shartnomasini imzoladi.

Ushbu kelishuv asosida, kompaniya uchta yangi atom elektr stansiyasi (AES) qurilishini rejalashtirmoqda.

Yadro energetikasi — ma’lumotlar markazlari uchun yangi yechim

Ma’lumotlar markazlari — ayniqsa sun’iy intellekt, bulutli hisoblash va katta hajmdagi ma’lumotlar bilan ishlovchi sohalarda — ulkan elektr energiyasi sarflovchi tizimlardir.  

Google bu borada uglerod neytral energiya manbalarini kengaytirish strategiyasining bir qismi sifatida kichik modulli reaktorlar (SMR) texnologiyasiga sarmoya kiritmoqda.

SMR texnologiyasi an’anaviy AESlarga nisbatan:

•  kichikroq hajmda, tezroq quriladi,

•  yuqori darajadagi xavfsizlikka ega,

•  va kam chiqimli energiya ishlab chiqarishni ta’minlaydi.

Elementl Power  — AQSHda joylashgan va zamonaviy yadro reaktorlari ishlab chiqishga ixtisoslashgan kompaniya bo‘lib, hozirgi kunda bozorda o‘sib kelayotgan startaplardan biri hisoblanadi. Google bilan tuzilgan bitim ularning ilk yirik korporativ hamkorligi sifatida tarixga kiradi. 

Google 2030-yilgacha to‘liq uglerod neytral energiyaga o‘tishni maqsad qilgan. AESlar qurilishi ushbu global tashabbusning muhim bosqichi hisoblanadi. Kompaniyaning fikricha, kelajakdagi SI va ma’lumotlar sohasidagi o‘sishni ekologik muvozanatni buzmasdan qo‘llab-quvvatlash faqat toza energiya orqali amalga oshiriladi.

<iframe width="640" height="420" src="https://www.youtube.com/embed/k_Q0c02lTpU" title="Google yangi davrni boshlaydi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Madinabonu Nasriyeva, Anvarxo‘ja Ahmedov (video), O‘zA