Тошкент шаҳрида вирусли гепатит А касаллигига қарши эмлаш ишлари фаол давом этмоқда. Айни пайтда ижтимоий ҳимояга муҳтож оилаларнинг 2 ёшдан 14 ёшгача бўлган фарзандлари бепул эмланмоқда.

Бу нафақат касалликнинг олдини олиш, балки болалар саломатлигини узоқ муддатга кафолатлаш учун муҳим ва самарали чорадир.   

Шуни унутмаслик керакки, эмлаш — бу оғир касалликлардан ҳимояланишнинг энг ишончли йўли. Ҳар бир ота-она эса ўз фарзандининг соғлом келажаги учун бугундан масъулдир. Ана шуларни инобатга олган ҳолда Давлат томонидан яратилаётган шароитлардан фойдаланиб, болаларни турли юқумли касалликлардан ҳимоя қилиш зарур. Акс ҳолда, биргина Гепатит А касаллиги билан бир маротаба чалиниш келгусида салбий оқибатларга олиб келиши мумкин. Бу юзасидан Санэпидқўмита Тошкент шаҳар бошқармаси, эпидемиология бўлими бошлиғи — Дилфуза Расулова атрофлича тўхталди.

Батафсил “Саломат бўлинг” дастурида:

 <iframe width="640" height="420" src="https://www.youtube.com/embed/_4hvQEy0N7k" title="Ijtimoiy himoyaga muhtoj oilalarning farzandlari bepul emlanmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Эшмирзаева, А.Содиқов, У.Тўхтаев (видео), ЎзА