Папа Франциск вафотидан сўнг Католик черкови тез орада янги раҳбар танлаш учун юқори даражали жараённи бошлайди. Бу “конклав” деб номланувчи махфий йиғилишдир.

“Pro Eligendo Romano Pontifice” яъни, “Рим папасини сайлаш учун” маъносини англатувчи дастлабки босқичдан кейин кардиналлар конклав учун махсус кучли хавфсизлик билан таъминланган йиғилиш манзилига йўл олади. Ҳатто, черков атрофидаги ҳудудлар ҳам назоратга олинади.

Бугун 133 нафар сайловчи кардинал навбатдаги Папа учун овоз беради. Қайси номзодни учдан икки қисмдан кўпроқ сайловчи қўлласа, ўша одам Францискнинг давомчисига айланади.

Мусулмон Зиё, ЎзА