Poytaxtimizdagi O‘zbekiston taekvondo WT assotsiatsiyasi bazasida O‘zbekiston, Xitoy va Braziliya milliy terma jamoalari ishtirokida taekvondo WT bo‘yicha xalqaro o‘quv-mashg‘ulot yig‘ini o‘tkazilmoqda.

Kuniga ikki mahal davom etayotgan yig‘inda Olimpiya o‘yinlari g‘olib va sovrindorlari hamda ishtirokchilari – Ulug‘bek Rashitov, Jasur Jaysunov, Svetlana Osipova, Ozoda Sobirjonova (O‘zbekiston), Edival Markes (Braziliya), Jang Meng Yu (Xitoy) kabi iqtidorli taekvondochilar shuningdek, jahon va qit’a chempionatlarida yuqori natijalar qayd etayotgan tajiribali sportchilar qatori yosh sportchilar ham o‘z tajribalarini oshirmoqda. Mashg‘ulotlarda terma jamoamizning jami 35 nafar a’zosi qatnashayotgan bo‘lsa, Xitoydan 19, Braziliyadan 9 nafar taekvondo ustalari kelgan.   

Mashg‘ulotlar davomida taekvondochilar o‘zaro texnik va taktik hamda jismoniy holatni bir maromda ushlab turuvchi mashqlarni ham bajarmoqda. Shuningdek, uchta terma jamoa vakillari o‘zaro sparring janglarida ham ishtirok etmoqda.   

Ma’lumot o‘rnida: ushbu xalqaro o‘quv-mashg‘ulot yig‘ini 16 mayga qadar davom etadi.  

<iframe width="640" height="420" src="https://www.youtube.com/embed/1BWPMb-nadI" title="Xalqaro o‘quv-mashg‘ulot yig‘ini yuqori saviyada o‘tmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Javohir Toshxo‘jayev,

Sanjar Toshpo‘latov, Anvarxo‘ja Ahmedov, O‘zA