Баҳорги ҳаво ҳарорати одатдагидан иссиқ келиши далаларимиздаги мева-сабзавотларнинг барвақт узилишига, экспорт ҳажмининг ошишига сабаб бўлди. Албатта, серқуёш ўлкамизда пишиб етилган сархил мева сабзавотларимизга жаҳон бозорларида доимо талаб бор, фақат сифати юқори, белгиланган стандартлар асосида етиштирилган бўлса.

Бу йилги об-ҳавонинг ушбу маҳсулотларимизга таъсирини билиш, бугунги пишиқчилик мавсумининг эрта келиш асл сабабларини ўрганиш мақсадида академик Маҳмуд Мирзаев номидаги Боғдорчилик, узумчилик ва виночилик илмий-тадқиқот институтининг илмий ишлар ва инновациялар бўйича директори ўринбосари Аҳмаджон Қосимов билан суҳбатлашдик. 

- Бу йилги мева-сабзавотларнинг тез пишиб етилишининг асосий сабаблари нимада ва бундай ҳолатлар Ўзбекистонда авваллари ҳам кузатилганми? 

- Қишлоқ хўжалигида бундай ҳолатлар жуда кўп учраб туради. Бу асосан табиат билан боғлиқ омиллар ҳисобланади. Биринчи навбатда боғдорчилик йўналишида келгуси йилги ҳосил бир йил олдин шакллана бошлайди. Яъни, ўтган йили мевали экинларимиз ҳосил берганидан кейин масалан, данакли мевалардан ўрик май-июнь ойларида пишиб етилиб, ҳосил териб олинганидан сўнг келгуси йилга ҳосил кўртакларини шакллантириб боради.

<iframe width="650" height="420" src="https://www.youtube.com/embed/JLXw2fIEs-g" title="Mevalarning erta pishishi hosil sifatiga ta’sir etadimi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Санжар Тошпўлатов, Нишонбой Абдувойитов, ЎзА