Xitoyning Xubey provinsiyasidagi Yanszi daryosida qurilgan «Uch dara» to‘g‘oni dunyodagi eng katta gidroelektr stansiya hisoblanadi. 2012 yilda yakunlangan bu inshootning uzunligi 2335 metr, balandligi 185 metr bo‘lib, u 40 kub.km (38 trillion litr) suvni dengiz sathidan 175 metr balandlikda saqlaydi.

NASA vakili doktor Benjamin Fong Chao boshchiligidagi mutaxassislar to‘g‘on yerga fizik ta’sir ko‘rsatganini aniqladi. Massaning katta hajmda bir joyda jamlanishi Yerning aylanishiga ta’sir qilib, kunni 0,06 mikrosekundga uzaytirdi va Yer o‘qini 2 santimetrga siljitdi. Bu o‘zgarishlar nihoyatda kichik bo‘lsada, zamonaviy ilmiy uskunalar bilan aniqlanishi mumkin. «Uch dara» to‘g‘oni inson qurilishi orqali sayyoraviy fizikaga ta’sir qilingan kam sonli holatlardan biridir.

<iframe width="560" height="315" src="https://www.youtube.com/embed/gHXGnHgESsg?si=vpo4JKwOend-tATo" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Madinabonu Nasriyeva, Anvarxo‘ja Ahmedov, O‘zA