“Global Money Week” (Бутунжаҳон жамғариш ҳафталиги) лойиҳаси доирасида давомли равишда ёшларнинг молиявий саводхонлигини ошириш, уларни банк тизими фаолияти билан яқиндан таништириш мақсадида “Ўзмиллийбанк” АЖ томонидан Қашқадарё вилоятида “Очиқ эшиклар куни” тадбирлари ташкил этилди.

Мазкур “Очиқ эшиклар куни”да Банкнинг Қашқадарё вилоят Бош бошқармаси ҳамда Қарши,Шаҳрисабз шаҳри, шунингдек, Ғузор ва Муборак туманларидаги ҳудудий бўлинмалари ходимлари иштирокида 6 та  умумтаълим мактабидан  150 нафар ўқувчилари фаол қатнашди.  Тадбир давомида ўқувчиларга банк фаолиятининг асосий йўналишлари, жумладан, рақамли банк хизматлари, жамғариш, тўлов тизимлари ва кредитлаш жараёнлари тўғрисида кенг қамровли тушунча берилди. Шунингдек, ўқувчилар банк бўлимлари фаолияти билан бевосита танишиб, мутахассислар билан мулоқотда бўлиш имкониятига эга бўлди.

Ушбу ташаббус ёшларда молиявий маданиятни шакллантириш, уларни онгли ва масъулиятли молиявий қарорлар қабул қилишга йўналтиришга хизмат қилиши билан муҳим аҳамиятга эга. 

#NBU

#GlobalMoneyWeek2025

#GMW2025

#ThinkBeforeYouFollow #WiseMoneyTomorrow

#LearnSaveEarn

#Finlituz

#Ochiqeshiklarkuni

“Ўзмиллийбанк” АЖ

Матбуот хизмати