Иккинчи жаҳон уруши йилларида Ўзбекистон ишончли фронт орти ҳудудга айланиб, бу ерга 1,5 миллиондан ортиқ аҳоли, жумладан, 250 мингдан ортиқ болалар кўчириб келтирилди.

Ўзбекистон Республикаси Президенти Шавкат Мирзиёев таъкидлаганидек, “Халқимиз бу одамларнинг барчасига чинакам меҳр ва эътибор кўрсатди, сўнгги бурда нонини ҳам улар билан баҳам кўриб, юксак инсонпарварлик фазилатларини намоён этди”.

Кўчирилган оилаларга, уларнинг фарзандлари ва ота-онасидан айрилган етим болаларга алоҳида ғамхўрлик кўрсатилди. Ота-онаси фронтда жанг қилган ва ҳалок бўлган болаларни оилаларга қабул қилиш бўйича аҳоли ўртасида иш йўлга қўйилди.

Ўзбекистонликларнинг эвакуация қилинган болаларга нисбатан меҳрибонлиги Сабина Киселнинг хотираларида ўз аксини топган. Урушдан кейинги йилларда ёзган мактубида у эвакуация даври ва ўзбекларнинг ёрдамини миннатдорчилик билан эслайди: “1941-йилнинг ўрталарида биз Ўзбекистонга кўчирилдик, у ерда Бухоро яқинида бўлдик. Мен фақат болалар эслаб қоладиган ўзига хос лаҳзаларни эслайман. Ўша йилларда кўчиб ўтиш ва яшаш жойини ўзгартириш пайтида Ўзбекистон аҳолиси ҳар қадамда ёрдам кўрсатди, бизни ўз ҳимоясига олди, самимий ва дўстона муносабатда бўлди".

"Тарих ҳақиқатлари" лойиҳасининг навбатдаги сонида М.В. Ломоносов номидаги Москва Давлат университетининг Тошкент шаҳридаги филиали катта ўқитувчиси Мадина Абдурахманова билан Иккинчи Жаҳон уруши вақтида Ўзбекистонга 250 мингдан зиёд бола эвакуация қилингани, ўзбек халқининг меҳмондўст, болажон, бағрикенг халқ бўлганлиги тўғрисида суҳбатлашдик.

<iframe width="560" height="315" src="https://www.youtube.com/embed/3R4YUk1-5eI?si=8-UP6lvu23F4P8yn" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, А.Аҳмедов (видео), ЎзА