Пойтахтимизда халқаро теннис федерацияси томонидан ўсмирлар ўртасида J30 таснифига кирувчи “Pakhtakor Cup” турнири бўлиб ўтди.

Мазкур мусобақанинг ўғил болалар орасидаги яккалик баҳслари финалида ҳамюртимиз Маҳмудбек Бекназаров ва қозоғистонлик Мансур Саинов бош соврин учун ўзаро раоқбатлашди. Афсуски, ушбу баҳсда Маҳмудбек 4:6, 2:6 ҳисобида мағлубиятга учради. Натижада М.Саинов турнир ғолибига, М.Бекназаров вице-чемпионага айланди.  

Жуфтлик баҳсларида нейтрал теннисчилар Иван Матвеев ва Иван Молгин бош совринга эга чиқди. Ёш теннисчимиз Амир Сафоева ва нейтрал теннисчи Никита Клецов тандеми иккинчи бўлди.

Қизлар ўртасидаги яккалик беллашувларида нейтарль теннисчи Эмилия Федоссева барча рақибларини мағлуб этиб чемпионга айланган бўлса, жуфтликлар орасида мамлакатимиз шарафини ҳимоя қилган Нигина Алимова ҳамда Злата Чиннова дуэти ғалаба қозонди.

Жавоҳир Тошхўажев, ЎзА