TechCrunch нинг маълумотларига кўра, Google Playдаги иловалар сони 3,4 миллиондан 1,8 миллионгача камайган. Бу эса дўкондаги дастурлар каталоги деярли ярмига – 47 фоизга қисқарганини англатади.Шунга қарамай, мутахассислар бу ўзгаришлар мобил иловалар бозорига салбий таъсир қилмаслигини таъкидлашмоқда. Солиштириш учун, худди шу даврда Apple'нинг App Store платформасида иловалар сони бироз ошиб, 1,6 миллиондан 1,64 миллионга етган.

Google бу ўзгаришларга ижобий баҳо бермоқда. Фойдаланувчилар энди фирибгар иловалар, спамлар ва паст сифатли дастурларга камроқ дуч келмоқда. Виждонли дастурчилар учун эса рақобат анча соғлом ва адолатли тус олган. Авваллари Google Playда иловаларни жойлаштиришда қатъий текширув бўлмаган, бу эса кўплаб сифатсиз дастурларни дўконга кириб келишига сабаб бўлган эди. Apple эса, аксинча, ҳар доим қатъий назоратга таяниб келган.

2024-йил июль ойидан бошлаб Google иловалар сифатига қўйиладиган талабларни кучайтирди. Эндиликда фақат носоз дастурлар эмас, балки тўлиқ ишламайдиган ёки етарлича функцияга эга бўлмаган лойиҳалар ҳам платформага қабул қилинмайди.

<iframe width="560" height="315" src="https://www.youtube.com/embed/i35ZB2tBLiA?si=87FSRkN-5WQbX9P8" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Улуғбек Тўхтаев, ЎзА