Пойтахтимиздаги “Universal Horses Stable” от спорти клубида ёшлар, ўсмирлар ва кичик ўсмирлар ўртасида конкур бўйича мамлакат чемпионати ўтказилди.

Мусобақанинг ўсмирлар ўртасидаги 120 см. тўсиқлардан от сакратишда Саид-Асалхон Аҳмедова “Карина” лақабли отида олтин медалга эга чиқди. Лайло Турдиалиева эса “Orange White” лақабли тулпорида кумуш, Севинч Назарова эса “Elis J” оти билан бронза медалини қўлга киритди.

Ёшлар тоифасидаги чавандозлар 130 см. баландликдаги тўсиқларда ўтган беллашувларда Дилшод Мамадалиев “Sweet and Sour” лақабли оти билан ғалаба қозонди. Шунингдек, Фирдавс Давронбеков (Bakarboni J), Асад Бўриев (Kross) кучли учликдан жой олди. Кичик ўсмирлар орасида Севинч Назаров “Elis J” лақабли оти билан мамлакат чемпионига айланди.

Тўрт кун давом этган чемпионатда турли йўналишларда ғолиб ва совриндорлар аниқланди.

Жавоҳир Тошхўжаев, ЎзА