O‘zbekiston Respublikasi Prezidentining Farmoni

O‘zining ishbilarmonlik va tashabbuskorlik fazilatlarini namoyon etib, qishloq xo‘jaligi sohasida salmoqli natijalarga erishib kelayotgani, xususan, ko‘chatchilik va gulchilik tarmoqlarini boy tajriba va innovatsion usullar asosida rivojlantirish, «Yashil makon»  umummilliy loyihasini muvaffaqiyatli amalga oshirish, aholini tomorqachilik faoliyatiga jalb etish va farovonligini yuksaltirishga qo‘shgan katta hissasi, yoshlarni Vatanga muhabbat va sadoqat ruhida, mehnatsevar va shijoatli insonlar etib tarbiyalash yo‘lidagi ibratli ishlari uchun Xorazm viloyati Xonqa tumanidagi «Sobirjon-Yusup» fermer xo‘jaligi boshlig‘i Otajanova Oyimjanga «O‘zbekiston Respublikasida xizmat ko‘rsatgan qishloq xo‘jaligi xodimi» faxriy unvoni berilsin.

 

O‘zbekiston Respublikasi Prezidenti 

Sh.Mirziyoyev