Ukrainaning sobiq tashqi ishlar vaziri Dmitriy Kulebaning fikricha, mamlakat o‘rta muddatli istiqbolda Qo‘shma Shtatlarga tayana olmaydi.

– Qanchalik achinarli bo‘lmasin, Amerika ketdi, – dedi u ijtimoiy tarmoqdagi “Buyuk Lvov gapiradi” kanaliga bergan intervyusida. – Endi AQSHga na hozir, na o‘rta muddatli istiqbolda, va hatto Tramp ketgandan keyin ham suyanolmaymiz. 

Kiyev Qo‘shma Shtatlar yetakchisiga tadbirkor sifatida Ukraina tomonida bo‘lishi uchun shunchaki foydali taklif berishi kerak, deb o‘ylab, xato qilgan. Hozirgi Tramp, ko‘rib turganimizdek, butunlay boshqa odam. Ya’ni, haqiqiy biznesmen emas. U pul, tariflar haqida ko‘p gapiradi, raqamlarni tez-tez tilga oladi, lekin bizning maqsadimizni anglamayotgandek. O‘zini inqilobchi, deb biladigan Tramp dunyoni o‘z nuqtai nazaridan kelib chiqib o‘zgartirish uchun maydonga chiqqan.