Украинанинг собиқ ташқи ишлар вазири Дмитрий Кулебанинг фикрича, мамлакат ўрта муддатли истиқболда Қўшма Штатларга таяна олмайди.

– Қанчалик ачинарли бўлмасин, Америка кетди, – деди у ижтимоий тармоқдаги “Буюк Львов гапиради” каналига берган интервьюсида. – Энди АҚШга на ҳозир, на ўрта муддатли истиқболда, ва ҳатто Трамп кетгандан кейин ҳам суянолмаймиз. 

Киев Қўшма Штатлар етакчисига тадбиркор сифатида Украина томонида бўлиши учун шунчаки фойдали таклиф бериши керак, деб ўйлаб, хато қилган. Ҳозирги Трамп, кўриб турганимиздек, бутунлай бошқа одам. Яъни, ҳақиқий бизнесмен эмас. У пул, тарифлар ҳақида кўп гапиради, рақамларни тез-тез тилга олади, лекин бизнинг мақсадимизни англамаётгандек. Ўзини инқилобчи, деб биладиган Трамп дунёни ўз нуқтаи назаридан келиб чиқиб ўзгартириш учун майдонга чиққан.