VFA-136 eskadrilyasiga qarashli “F/A-18E Super Hornet” qiruvchi-bombardimonchi samolyot Qizil dengizda suzib ketayotgan Amerikaning “USS Harry S. Truman” avia tashuvchi kema sahnidan quladi va cho‘kib ketdi. Ushbu ma’lumotni AQSH harbiy-dengiz kuchlari tasdiqlagan.

– Uchoq angar palubasida tortib olinayotgan payt ekipaj mashinani boshqarolmay qolgan, – deyiladi departament xabarida. – Natijada uchoq evakuator bilan birga qulagan.

Dengiz floti aniqlik kiritishicha, ekipajning barcha a’zolari xavfsiz evakuatsiya qilingan. Bir dengizchi yengil jarohat olgan. Hodisa sababi tergov jarayonida aniqlanadi.