Самбо бўйича тажрибали мураббий Шавкат Жўраев бошчилигидаги ўзбекистонлик ёш спортчилар Қирғизистон пойтахти Бишкек шаҳрида ўтган халқаро турнирда муносиб натижаларга эришди.

300 нафардан зиёд ўсмирлар ва кичик ўсмирлар ўртасида ўтган халқаро турнирда истеъдодли спортчиларимиз 1 та олтин, 3 та бронза медалига сазовор бўлишди.

Саккизинчи бор ташкил этилган мусобақада терма жамоамиз аъзоларидан Улуғбек Муҳаммадиев 88 килограмм вазнда барча рақибларини мағлуб этиб, олтин медални қўлга киритган бўлса, Давлат Алиризаев 70 килода, Ўлмас Бахтиёров 26 килода ва Дамир Алиризаев 46 кило оғирликда бронза медалларига эга чиқишди.

Т.Рўзиев, ЎзА