“Ўзагросуғурта” акциядорлик жамияти биносида “ТДИУ-Пендидикан” халқаро қўшма таълим дастури бўйича факультетнинг “Иқтисодиёт ва менежмент” кафедраси филиали очилди. Янги ўқув маркази талабаларга ўқишни суғурта соҳасида амалий иш билан уйғунлаштириш, соҳа учун юқори малакали мутахассислар тайёрлаш имконини беради.

Компания ва университет раҳбарияти мазкур лойиҳа кадрлар салоҳиятини ривожлантириш, таълим тизими ва иқтисодиётнинг реал сектори ўртасидаги алоқаларни мустаҳкамлашга қаратилганини таъкидлади. Филиалда компаниянинг етакчи мутахассислари иштирокида маърузалар, маҳорат дарслари ва амалиётлар ўтказилади.

Филиалнинг очилиши Ўзбекистонда профессионал кадрлар тайёрлаш ва суғурта соҳасини ривожлантиришда муҳим қадам бўлди.