Юртимизда боғдорчиликнинг энг муҳим тармоқларидан бири узумчилик саналади. Чунки узумчилик сермаҳсул, сердаромад соҳа.

Узумнинг саноатбоп навларини кўпайтириш, қайта ишлаш, соҳага илм-фан ютуқларини кенг жорий этиш, экспорт салоҳиятини ошириш борасида изчил ишлар амалга оширилмоқда.

Хусусан, Қишлоқ хўжалиги вазирлиги матбуот хизматининг маълум қилишича, янги боғ ва узумзорлар барпо этувчиларга 18 фоиз ставкада 7 йиллик кредит берилади, шундан 3 йили имтиёзли даврдир.  

Қайд этилишича, кредит босқичма-босқич равишда ер тайёрлаш (10%), кўчат ва экиш (40%), суғориш тизими (30%) ва парвариш (20%) учун ажратилади. 1 гектарга энг кўпи билан БҲМнинг 500 бараварича кредит берилиши кўзда тутилган.

Маълумотларга кўра, узум майдонлари бўйича Испания, Франция, Хитой, Италия, Туркия етакчи 5 мамлакат қаторидан ўрин олган. Ўзбекистон 181 минг гектар узум майдонлари билан 7-ўринни эгаллаган. Ҳосилдорлик бўйича эса Ҳиндистон, Хитой, АҚШ, ЖАР, Ўзбекистон етакчи ҳисобланади.

Узумчиликни ривожлантириш учун мамлакатимизда етарли салоҳият мавжуд.

Муҳайё Тошқораева, ЎзА