26–27 aprel kunlari Amirsoy tog‘ dam olish maskanida «Sky Camp Bo'stonliq 2025» sport festivali bo‘lib o‘tdi. Tadbir «Samarkand Marathon» loyihasi doirasida tashkil etilib, sog‘lom turmush tarzini, sport turizmini rivojlantirish va inklyuzivlikni qo‘llab-quvvatlashga qaratildi.

Festival davomida yugurish va tabiatni asrash uyg‘unlashgan plogging aksiyasi o‘tkazildi. Yuguruvchilar har bir qadami bilan nafaqat marraga intildi, balki tabiatni tozalab, tog‘ bag‘rini pokiza qilishdi. Har bir ko‘tarilgan chiqindi — bu tabiatga qaytarilgan mehr, har bir nafas — pok havoga bildirilgan hurmat edi.

«Sky Camp» — bu nafaqat sport, balki jamiyat va tabiat bilan uyg‘unlikda harakat qilishga undovchi haqiqiy hayot bayramiga aylandi.

Shahlo Xursandboyeva,

Mirzo Ulug‘bek nomidagi

O‘zbekiston Milliy universiteti talabasi