Теннис: Сергей Фомин халқаро турнир ғолиби
Қозоғистонда Халқаро теннис федерацияси томонидан ташкил этилган M15 таснифидаги турнирда Сергей Фомин жуфтлик баҳсларида бош совринни қўлга киритди.
Сергей Фомин жуфтликлар ўртасида нейтрал теннисчи Павел Вербин билан тандемда сўнгги ҳал қилувчи финал беллашувида германиялик Адриан Эцбах ҳамда бельгиялик Мартин Ван Дер Меершен дуэтига қарши кортга чиқди. Ушбу беллашувда Сергей ва Павел рақиблари устидан ҳар иккала сетда бир хил 6:3 ҳисобида зафар қучди ва мусобақа ғолибига айланди.
Эслатиб ўтамиз, бугун мамлакатимизнинг иккинчи рақамли теннисчиси бўлган Сергей Фомин яккалик баҳсларининг финалида франциялик Шон Кюнен билан рақобатлашади.
Жавоҳир Тошхўжаев, ЎзА