RF tashqi ishlar vaziri Sergey Lavrov Trampning kelishuvga erishish mumkinligi haqidagi so‘nggi bayonotiga qo‘shilishini aytdi, deb yozdi "Politico" nashri.

- Qo‘shma Shtatlar yetakchisi biz to‘g‘ri yo‘ldan ketayotganimizga ishonadi va men buni to‘g‘ri, deb hisoblayman, - degan Lavrov. - Shunga qaramay, aniq kelishib olinishi lozim bo‘lgan o‘ziga xos jihatlar, unsurlar mavjud.

Xorijiy OAV xabariga ko‘ra, Rossiya Ukraina poytaxtiga uyushtirgan oxirgi yirik hujum natijasida 12 kishi hayotdan ko‘z yumgan, 70 dan ziyod odam jarohatlangan. Tramp bu holatga shunday munosabat bildirdi: Moskva zarbasidan mamnun emasman. Vaqt noto‘g‘ri tanlandi. Vladimir, to‘xtang! Haftasiga 5000 askar halok bo‘lmoqda. Tinchlik kelishuvi amalga oshsin...

Musulmon Ziyo, O‘zA