Қозоғистонда Халқаро теннис федерацияси томонидан ўтказилаётган M15 таснифига кирувчи халқаро турнирда ҳамюртимиз Сергей Фомин яккаликда ярим финал, жуфтликлар орасида финал йўлланмасини қўлга киритди.

Ҳамюртимиз мусобақанинг ярим финал йўлланмаси учун ўтган учрашувда нейтрал теннисчи Константин Женовни 6:3, 6:7, 6:4 ҳисобида таслим қилди. Бунинг натижасида 1/2 финал босқичида иштирок этиш ҳуқуқини қўлга киритди. Энди Сергей Фомин финал остонасида польшалик Яша Шайрих билан рақобатлашади.

Турнирнинг жуфтлик беллашувларида Сергей Фомин ва нейтрал теннисчи Павел Вербин тандеми 1/2 финал босқичида нейтрал теннисчи Иван Денисов ва польшалик Яша Шайрих дуэтини уч сетда – 3:6, 6:3,10:3 ҳисобида енгди.  

Шу тариқа финалга чиққан Сергей ва Павел бош соврин учун ўтадиган учрашувда германиялик Адриан Эцбах ҳамда бельгиялик Мартин Ван Дер Меершен жуфтлиги билан куч синашади.

Жавоҳир Тошхўжаев, ЎзА