Қозоғистонда Халқаро теннис федерацияси томонидан ўтказилаётган M15 таснифига кирувчи халқаро турнирда ҳамюртимиз Сергей Фомин чорак финалга чиқди.

Ҳамюртимиз мусобақанинг нимчорак финалида нейтрал теннисчи Бекан Атлангериев билан рақобатлашди ва 7:5, 4:6, 6:4 ҳисобида зафар қучди. Энди С.Фомин ярим финал йўлланмаси учун ўтадиган учрашувда нейтраль теннисчи Константин Женов билан куч синашади.   

Турнирнинг жуфтлик беллашувларида Сергей Фомин ва Павел Вербин тандеми ярим финал остонасида чехиялик Матьяс Черний ва Йонас Кучера жуфтлигини 6:2, 7:5 ҳисобида мағлубиятга учратди. Шу тариқа 1/2 финал босқичида нейтрал теннисчи  Иван Денисов ва польшалик Яша Шайрих дуэтига қарши кортга чиқадиган бўлди.   

Жавоҳир Тошхўжаев, ЎзА