Ёшлар ўртасида билим ва тафаккурни ривожлантиришга хизмат қилувчи “Заковат” интеллектуал турнирининг мактабларда ўтказилиб келинаётгани алоҳида эътирофга лойиқ.

Бугун Ўзбекистон Миллий кутубхонасида "Китобхонлик ҳафталиги" доирасида ҳам Мирзо Улуғбек тумани 35-умумтаълим мактаби ўқувчилари ўртасида "Заковат" интеллектуал ўйинида бевосита иштирок этдик.

Мактабларда «Заковат» тўгаракларини ташкил этишдан кўзланган мақсад ёшларнинг интеллектуал салоҳиятини ривожлантириш, иқтидорли ёшларни саралаш ва уларни қўллаб-қувватлашдан иборатдир.

Замонавий дунёда мамлакатнинг кучли ва заиф жиҳатлари ёшлар, уларнинг билим ва малакаси орқали намоён бўлади. Таълим ислоҳотлари жараёнида ҳозирданоқ келажак авлод учун мустаҳкам пойдевор қўйсак, келгуси ривожланишнинг муваффақиятли бўлиши янада кафолатланади. Зеро, ёрқин келажакни билимли ва салоҳиятли ёшлар барпо этади.

<iframe width="640" height="420" src="https://www.youtube.com/embed/jNZe_tSN2IA" title="Zakovatli yoshlar - yurt tayanchi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, Н.Абдувоитов (видео), ЎзА