Qozog‘istonda Xalqaro tennis federatsiyasi tomonidan o‘tkazilayotgan M15 tasnifiga kiruvchi xalqaro turnirda Sergey Fomin muvaffaqiyatli start oldi.

Mamlakatimizning ikkinchi raqamli tennischisi ilk bosqichda neytral tennischi Pavel Verbinni 6:4, 6:0 hisobida taslim etib, nimchorak finalda boshqa bir neytral tennischi Bekan Atlangeriyev bilan raqobatlashadigan bo‘ldi.  

Shuningdek, juftliklar o‘rtasida tennischimiz Pavel Verbin bilan tandemda neytral tennischi Aleksandr Chayka va norvegiyalik Leyton Rivera duetini 7:6, 6:1 hisobida mag‘lubiyatga uchratdi. Shu tariqa, chorak finalga yo‘l olgan Sergey va Pavel yarim final ostonasida chexiyalik Matyas Cherniy va Yonas Kuchera juftligiga qarshi kortga chiqadi.

Javohir Toshxo‘jayev,

O‘zA