Ёшларнинг ижодий салоҳияти ва ижтимоий фаоллигини қўллаб-қувватлаш мақсадида Жаҳон иқтисодиёти ва дипломатия университетида “UWED WEEK” ҳафталиги бошланди.

Эътиборли жиҳати шундаки, бу йил мазкур тадбир илк бор Чирчиқ олий танк қўмондон-муҳандислик билим юрти билан биргаликда ўтказиляпти.

Икки таълим даргоҳи ҳамкорлиги доирасида ташкил этилган Ҳарбий ватанпарварлик клуби ёшларнинг соҳага қизиқишини ошириш, уларни Ватанга садоқат руҳида тарбиялаш йўлида ташланган муҳим қадамдир.

ЖИДУ Ёшлар масалалари ва маънавий-маърифий ишлар бўйича биринчи проректори О.Юсупжонов ҳафталикнинг аҳамиятига тўхталаркан, талабалар ўзига хос фаоллик, ижодкорлик намоён этаётганига алоҳида эътибор қаратди.

Тадбир меҳмони – хитойлик профессор Ванг Вейонг Ўзбекистон ва Чин мамлакати ўртасидаги яқин ҳамкорлик, ҳар икки давлатда ёшлар учун яратилган қулай шароит ва имкониятлар хусусида фикр билдирди.

Таъкидлаш жоиз, бундай анжуманлар ўғил-қизларнинг ижодий салоҳиятини юксалтириш, ўзаро дўстлик ва жипсликлик муҳитини мустаҳкамлашга хизмат қилади.

<iframe width="650" height="420" src="https://www.youtube.com/embed/mziWBrZcAbE" title="Vatanparvarlik – oliy burch va saodat" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусулмон Зиё, Анвархўжа (видео), ЎзА