1 килограммдан ортиқ заргарлик буюмларини олиб чиқиб кетмоқчи бўлган шахс фош этилди
"Тошкент-Аэро" ихтисослашган божхона комплекси матбуот хизматининг хабар беришича, жорий йилнинг 16 апрель куни Тошкент халқаро аэропортининг учиб кетиш залида Истанбулга парвозга отланган фуқарода 1 кг.дан зиёд заргарлик буюмлари борлиги аниқланди.
Хабарда қайд этилишича, Тошкент халқаро аэропортининг Авиация хавфсизлиги хизмати ва чегара божхона пости ходимлари томонидан ҳамкорликда аниқланган мазкур заргарлик буюмларининг тахминий қиймати 819 млн. сўмдан ошмоқда.
Ҳолат юзасидан суриштирув ҳаракатлари бошлаб юборилган.
Ш.Маматуропова, ЎзА