Профессионал боксчимиз Шаҳрам Ғиёсов АҚШнинг Нью-Жерси штати, Атлантик-Сити шаҳрида ташкил этилган профессионал бокс оқшомида навбатдаги ғалабасини қўлга киритди.

Шаҳрам Ғиёсов мазкур кечада аргентиналик Франко Максимилиано Окампога қарши рингга кўтарилди. 10 раундга мўлжалланган жангнинг 1-раундида рақибини нокдаун ҳолатига тушириб қўйган бўлса, 4-раундда чарм қўлқоп устамизнинг кетма-кет аниқ зарбаларини кўрган рефери ҳисобни очди. Бу вақтда рақиб ўзига кела олмади ва ҳакам жангни тўхтатишга қарор қилди.

Шу тариқа, Шаҳрам Ғиёсов профессионал боксдаги 17-жангини ҳам  ғалаба билан якунлади. Энди  боксчимизнинг кейинги жанги иккита чемпионлик камари (IBF ва WBA) учун америкалик Жарон Эннисга қарши бўлиб ўтади.

Жавоҳир Тошхўжаев, ЎзА