БМТ: 20 кун мобайнида Ғазога 200 дан зиёд ҳужум қилинган
Ғазога берилган 36 зарба натижасида фақат аёллар ва болалар қурбон бўлган.
Бирлашган Миллатлар Ташкилоти Инсон ҳуқуқи бўйича бошқармаси ходими Равина Шамдасани айтишича, Исроил Ғазо бўйлаб уюштираётган ҳужум туфайли аҳоли учун хавфсиз жой қолмаяпти. Ҳарбий ҳаракат оқибатида жуда кўп аёллар, болалар ҳалок бўлаётгани аянчли. Зеро, уруш қайта авж олгандан буён турар-жой бинолари, чодирлар тинимсиз нишонга олинмоқда.
– 2025 йил 18 мартдан 9 апрелга қадар Исроил томонидан 224 марта ҳужум уюштирилган, – дейди Равина.