Ўзбекистон халқ шоири Муҳаммад Юсуф ўзбек шеъриятида ўз овозига эга бўлган бетакрор истеъдод соҳиби эди. Унинг содда ва халқона шеърларини ўқимаган, ундан баҳра топмаган ўзбек китобхони топилмаса керак.

Самарқанд давлат ветеринария медицинаси, чорвачилик ва биотехнологиялар университети Тошкент филиалида Ўзбек ва хорижий тиллар кафедраси ойлиги доирасида “Муҳаммад Юсуф — эл ардоғидаги шоир” мавзусида маънавий-маърифий давра суҳбати бўлиб ўтди.

Мазкур тадбир 2025-йил 26-апрель куни юртимизнинг севимли шоири Муҳаммад Юсуф таваллудининг 71 йиллигини муносиб нишонлаш арафасида ташкил этилди. 

Тадбир давомида Муҳаммад Юсуфнинг юракларга сингган шеърлари, самимий хотиралар, ҳаётий сабоқларга бой суҳбатлар тингловчилар қалбида унутилмас таассурот қолдиргани шубҳасиз. Ушбу давра суҳбати талаба-ёшлар буюк шоирнинг ҳаёти ва ижодини чуқурроқ ўрганиш, миллий адабиётимизнинг бебаҳо намуналарини қадрлаш, ватанпарварлик, инсонпарварлик, садоқат каби туйғуларни янада мустаҳкамлашга хизмат қилади.

<iframe width="650" height="420" src="https://www.youtube.com/embed/ddbq4w3hhn8" title="Muhammad Yusuf — el ardogʻidagi shoir" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, У.Тўхтаев (видео), ЎзА