Гонконгда бўлиб ўтган кимошди савдосида қадимги Корея Когурё қироллигига оид тилла муҳр 1,39 миллион долларга сотилди. Бу нарх дастлабки баҳодан тўққиз баравар юқори бўлиб, тарихий артефактлар орасида рекорд ҳисобланмоқда.

<iframe width="1264" height="711" src="https://www.youtube.com/embed/HkkgKBwaan0" title="Koguryo davriga oid tilla muhr rekord narxga sotildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳрнинг баландлиги 2,8 см, оғирлиги эса 88 грамм бўлиб, учи от шаклида ишланган. Маълумотларга кўра, бу муҳр Хитойнинг Жин сулоласи томонидан Когурё қироллигига дипломатик совға сифатида берилган бўлиши мумкин.

Бу муҳр Когурё билан боғлиқ бўлган биринчи машҳур муҳр сифатида тарихий аҳамиятга эга. Агар у ҳақиқий бўлса, у Корея ва Хитой ўртасидаги қадимги муносабатлар ҳақида муҳим маълумотлар бериши мумкин.

Корея тарихшунослари муҳр устида чуқур илмий изланишлар олиб борилиши тарафдори. Аммо муҳр корейс бўлмаган хусусий коллекционер қўлига тушгани сабабли бу имконият бой берилиши мумкинлиги айтилмоқда.

Мадинабону Насриева, 
Анвархўжа Аҳмедов, ЎзА