
Бугун, 1 апрель куни Халқаро шахмат федерацияси (FIDE) турли ёш тоифалари ҳамда рапид ва блиц йўналиши бўйича 2025 йилнинг янгиланган рейтингини эълон қилди.
Биз учун эътиборли жиҳати, янгиланган рейтингдан ўзбекистонлик 5 нафар шахматчи жой олди.
Терма жамоамиз аъзоси Нодирбек Абдусатторов (2773) 6, Жавоҳир Синдоров (2706) 30, собиқ жаҳон чемпиони Рустам Қосимжонов (2678) 46, Нодирбек Ёқуббоев (2665) 61, Шамсиддин Воҳидов (2648) 81-қаторда қайд этилди.

Рейтингни норвегиялик Магнус Карлсен (2837) бошқараётган бўлса, америкалик Ҳикару Накамура (2804) иккинчи, ҳиндистонлик Гукеш Доммаражу (2787) 3-ўринни банд этиб турибди.
FIDEнинг аёллар ТОП-100 рейтингида ҳамюртимиз Гулруҳбегим Тоҳиржонова (2369) 76-поғонадан жой олган вазиятда хитойлик 4 нафар аёл шахматчи рейтингни бошқармоқда.
20 ёшгача бўлган ТОП-100лик шахматчилар рўйхатида ўзбекистонлик 3 нафар шахматчи жой олган бўлиб, Жавоҳир Синдоров (2706) 3-ўринда, Муҳиддин Мадаминов (2536) 27, Муҳаммадзоҳир Суяров (2469) 65-ўринни банд этишган.
Шахматчи қизларнинг ТОП-100лик рейтингида Афрўза Ҳамдамова (2326) 13, Гулдона Каримова (2265) 33, Умида Омонова (2263) 35-поғоналардан ўрин эгаллади.
Т.Рўзиев, ЎзА