Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Андижон вилояти Избоскан туманидаги “Аҳмадали ҳожи” жоме масжиди таҳоратхонасида рўй берган бахтсиз ҳодиса – портлаш оқибатида вафот этган фуқароларнинг хонадонларида бўлди.

Муфтий ҳазратлари бошчилигидаги уламолар вафот этганларнинг жаноза намозларида, маърака-маросимларида қатнашиб, хонадонлар соҳибларига, марҳумларнинг яқинларига ҳамдардлик билдирди. Қуръони карим оятлари ўқилиб, марҳумлар ҳақига бағишланди.

Тан жароҳати олиб, шифохонада муолажа олаётганлар тез фурсатда соғайиб кетишларини тилаб дуолар қилинди. 

Шунингдек, вафот этган фуқароларнинг оила аъзоларига Ўзбекистон мусулмонлари идораси томонидан моддий ёрдам кўрсатилди. 

Ф. Убайдуллаев, ЎзА мухбири