РФ ҳарбийлари Украина кучлари томонидан эгаллаб олинган Курск вилоятидаги муҳим шаҳар Сужа қайта олинганини маълум қилди. Аввалроқ Кремль бу Украинани чегара орқали кириб келинган ҳудуддан чиқариш амалиёти якуний босқичи эканини айтганди.

BBC  ёзишича, Путин чоршанба куни кутилмаганда Курскга борди. Украина армияси раҳбари Александр Сирский ҳам қўшиннинг бир қисми Курскдан олиб чиқилаётганини тасдиқлади.

Айни воқеа АҚШ расмийлари Украина билан 30 кунлик сулҳ битимини муҳокама қилиш учун Россияга жўнаб кетаётган пайт содир бўлди.

Президент Владимир Зеленский мамлакат шериклар билан тинчлик йўлида “иложи борича тезроқ” ишлашга “қатъий тайёрлиги”ни билдирган.