Шу ҳафта Москвадаги элчихонанинг икки ходими чиқариб юборилишига жавобан, Буюк Британия россиялик дипломат ва турмуш ўртоғининг аккредитациясини бекор қилди, деб ёзди “Euronews” нашри.

Қироллик Ташқи ишлар, Ҳамдўстлик ва тараққиёт идораси (FCDO) Россия икки нафар британиялик дипломатни жосусликда айблаб, уларга мамлакатни тарк этиши учун икки ҳафта муҳлат бергач, “зудлик билан тегишли чора кўрилаётгани”ни билдириб, қўйилган айбловларни “ёмон ниятли ва асоссиз” дея таърифлади.

РФнинг Буюк Британиядаги Фавқулодда ва мухтор элчиси Андрей Келин FCDO идорасига чақирилиб, мамлакатдан чиқиб кетиши кераклиги ҳақида огоҳлантирилган, лекин ҳеч қандай муддат белгиламаган.

– Сўнгги 12 ой ичида Россия Британия дипломатларига нисбатан тобора тажовузкор ва мувофиқлаштирилган таъқиб кампанияси олиб боряпти, – дейилган FCDO баёнотида.