Қўшма Штатлар Украинага қурол-яроқ етказиб беришни қайтадан йўлга қўйди, дея хабар берди “Euronews” нашри.

Давлат котиби Марко Рубио журналистларга Украина жараённи қўллаб-қувватлаганидан мамнунлиги, энди асосий эътибор Россиянинг жавобига қаратилишини айтган.

Таъкидланишича, “ҳақиқий дипломатияни, шу билан бирга Украинага нисбатан  келажакдаги тажовуздан тўхтатувчи восита” яратилиши муҳим.

Украина ташқи ишлар вазири Андрий Сибига ҳам Саудияда ўтган АҚШ – Украина музокараси натижаси сифатида қурол етказиб бериш тикланганини тасдиқлади.