"Альфред" тропик циклони Австралиянинг Квинсленд штатида 240 мингга яқин уй ва корхонада электр таъминоти узилишига олиб келди. Бу ҳақда "ABC News" хабар берган.

1-тоифали бўрон сифатида баҳоланган табиат ҳодисасига сабаб бўлган кучли ёмғир ва шамол минтақадаги бинолар, автомобиллар ва электр тармоғига зарар етказди.

Штат бош вазири Дэвид Крисафулли қайд этишича, бундай жиддий зарар 2013 йил штатни қамраб олган "Освальд" циклонидан кейин биринчи марта кузатилган.

Мамлакатда ноқулай об-ҳаво шароити давом этяпти.

Циклон шарқий Квинсленд ва Янги Жанубий Уэльс штатларига яқинлашгач, мактаблар ёпилди, жамоат транспорти ҳаракати тўхтади.