Ўзбекистон U20 терма жамоаси навбатдаги назорат ўйинини ўтказди
Фарҳод Нишонов бошчилигидаги Ўзбекистон U20 терма жамоаси Хитойда Осиё кубогига тайёргарликни давом эттирмоқда.
Футболчиларимиз мазкур йиғин доирасида хитойлик тенгдошларига қарши назорат ўйинини ўтказди. Учрашувнинг асосий вақтида 2:2 ҳисоби қайд этилди. Шундан сўнг жамоалар ўзаро пенальтилар сериясида иштирок этди ва унда ёшларимиз 5:4 ҳисобида ғалаба қозонди.
Эслатиб ўтамиз, жорий йилнинг 6-23 февраль кунлари Хитойда футбол бўйича U20 ёш тоифасида Осиё кубоги мусобақаси бўлиб ўтади. Унда Ўзбекистон U20 терма жамоаси “С” гуруҳида Яман, Индонезия ва Эрон термалари билан рақобатлашади.
Жавоҳир Тошхўжаев, ЎзА