SSV huzuridagi “Farmatsevtika mahsulotlari xavfsizligi markazi“ davlat muassasasi matbuot xizmatining xabar berishicha, Farmatsevtika faoliyatini litsenziyalash va nazorat qilish boshqarmasi tomonidan nazorat tadbirlari o‘tkazildi. Unda Xorazm viloyati Urganch shahar, Gurlan ko‘chasi 4-daha, 36/4-uy manzilida joylashgan “M-MED-FARM” XKga tegishli dorixonaning litsenziya talab va shartlarini buzgani aniqlandi.

Davlat ro‘yxatidan o‘tmagan, sifatsiz va tegishli muvofiqlik sertifikatiga ega bo‘lmagan dori vositalarini saqlayotgan va realizatsiya qilayotgan “M-MED-FARM” XKning litsenziyani bekor qilish to‘g‘risida Farmatsevtika mahsulotlari xavfsizligi markazining Urganch tumanlararo iqtisodiy sudiga kiritgan da’vo arizasi sudning tegishli hal qiluv qarori bilan qanoatlantirildi.  

Hamda “M-MED-FARM” XKga dori vositalari va tibbiy buyumlarni chakana realizatsiya qilish uchun 2022 yil 3 iyunda berilgan AA 590-sonli litsenziya bekor qilindi.  

Amaldagi qonunchilik hujjatlariga muvofiq, mazkur dorixona litsenziyasi tugatilgan dorixonalar manzillari va qonun buzilishlariga bevosita aloqador xodimlar (provizorlar, farmatsevtlar) ning yagona reyestriga kiritildi.  

M.Qosimova, O‘zA