Пойтахтимизда Ветеринария ва чорвачиликни ривожлантириш давлат қўмитаси ҳамда қатор хорижий ва маҳаллий ташкилотлар ҳамкорлигида “Табиий ресурслар ва чорвачилик” мавзуида халқаро форум бўлиб ўтди.

Форум доирасида "Ҳайвонларни идентификация қилиш, рўйхатга олиш ва кузатиш тўғрисида"ги қонун лойиҳаси муҳокама қилинди. Халқаро миқёсда билим ва тажриба алмашиш, соҳада барқарор ва экологик тоза амалиётларни ривожлантириш, бу борада янги билим ва кўникмаларни қўллаш борасида фикр алмашилди. 

Ўз навбатида, форумда экспертлар сўзга чиқиб, олиб борилаётган тадқиқотлар ва амалий ишланмалар, соҳага оид янгиликлар ва афзалликлар хусусида маълумотлар беришди. 

Халқаро форумдан мақсад "Ҳайвонларни идентификация қилиш, рўйхатга олиш ва кузатиш тўғрисида"ги қонунни муҳокама қилиш, чорвачилик соҳасида халқаро даражадаги ҳамкорликни кенгайтириш, соҳани замонавий билим ва тажрибалар асосида ривожлантириш, дунёдаги мавжуд озиқ-овқат танқислигининг олдини олиш, бу борадаги муҳим ташаббусларни қўллаб-қувватлашдан иборат бўлди. 

<iframe width="650" height="420" src="https://www.youtube.com/embed/PCGq3bBpGeU" title="Chorvachilik sohasida xalqaro hamkorlikni rivojlantirish boʻyicha xalqaro forum" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Гулноза Бобоева, Дониёр Ёқубов (видео), ЎзА