FOTOREPORTAJ

Buxoro viloyatida turizmni yanada rivojlantirish maqsadida bunyodkorlik ishlari hamda yangi investitsiyaviy loyihalarni amalga oshirish jarayonlari izchil davom etmoqda.

Bugungi kunda viloyatda turizm sohasida amalga oshirilayotgan jami 38 ta investitsiyaviy loyihalarning umumiy qiymati 111 million AQSH dollarini tashkil etadi.  

Viloyat turizm boshqarmasi xodimlari Buxoro shahrida barpo etilayotgan mehmonxonalarda navbatdagi o‘rganish ishlarini olib bordi. Ushbu o‘rganish ishlari davomida amalga oshirilayotgan investitsiyaviy loyihalarning rejaga asosan belgilangan muddatlarda bajarilishi hamda bu borada tadbirkor va sarmoyadorlar duch kelayotgan muammolar ko‘rib chiqildi. Ularning yechimi yuzasidan tegishli tashkilotlar bilan hamkorlikda taklif va tavsiyalar ishlab chiqildi.

[gallery-21351]

Qayd etish joiz, mazkur investitsiyaviy loyihalar viloyatga tashrif buyuruvchi sayyohlar oqimini oshirish, hududga yangi xorijiy mehmonxonalar brendini olib kirish hamda Buxoroda yuqori darajada xizmat ko‘rsatuvchi turizm ob’ektlarining ko‘payishiga zamin yaratadi.

Tohir ISTATOV (surat), O‘zA