Атрофимизда шундай "қаҳрамон"лар борки, улар ўз ҳаловатидан кечиб, халқимизнинг тинчлиги, осойишталиги йўлида хизмат қилишади. Уларнинг ана шундай беминнат хизматлари эвазига биз оиламиз даврасида ҳотиржам ўтирамиз, жажжи фарзандларимиз билан истироҳат боғларида айланамиз, ўзимиз танлаган касбда ривожланишда давом этамиз.

Куни кеча ижтимоий тармоқларда патруль-пост хизматчиси ўз хизмат вазифасини бажараётган вақтида катта миқдордаги пул билан ҳамён топиб олгани ҳақидаги хабарлар тарқалди. Топилган ҳамёндаги пулнинг миқдори катталигини ҳисобга олган ходим ҳамёндаги пенсия дафтарчасидан шахсни аниқлаштириб уй манзилини топиб боради, аммо минг афсуски у манзилда уй эгалари аллақачон кўчиб кетишган экан.

Воқеалар ривожига сиз ҳам қизиқдингизми, келинг яхшиси барчасини батафсил Жамоат тартибини сақлаш, фуқаролар осойишталигини таъминлаш ва ҳуқуқбузарликларни олдини олиш йўлида садоқат билан туну-кун хизмат қилаётган ходимлардан бири катта сержант Шавкат Назаровнинг ўзидан эшитсак.

Дарҳақиқат, ҳалолликда барака бўлади. Бировнинг ҳаққи икки дунёда ҳам буюрмайди. Юртимизда ана шундай ўз вазифасига фидоий ва масъулият билан ёндашадиган инсонлар бор экан, юртимиз яна гуллаб-яшнайверади. Бизни кузатишда давом этинг, ўзингиз ва яқинларингизни эътиборсиз қолдирманг.

<iframe width="650" height="420" src="https://www.youtube.com/embed/k5d1ZPdgBls" title="Shavkat Nazarov: Halovat va xotirjamlik – halollikda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, А.Аҳмедов (видео), ЎзА