"14 yanvar – Vatan himoyachilari kuni" munosabati bilan bugun – 12 yanvar kuni soat 15:30 da Amir Temur xiyoboni bo‘ylab otliq kavaleriya bo‘linmalari ishtirokida "Otlar paradi" bo‘lib o‘tishi rejalashtirilgan.

Toshkent shahar IIBB ma’lumotiga ko‘ra, shu munosabat bilan poytaxtimizning Istiqlol-Mahtumquli ko‘chalari kesishgan chorrahasi, Istiqbol-Amir Temur ko‘chalari kesishmasi, Matbuotchilar - Amir Temur ko‘chalari kesishmasi, Mustaqillik shoh-Amir Temir, Istiqlol-Amir Temur ko‘chalari kesishmalari hamda Amir Temur aylanma harakatida soat 15:00 dan soat 17:00 gacha transport vositalarining harakati vaqtincha cheklanadi.

Haydovchilardan yuzaga kelishi mumkin bo‘lgan noqulayliklar uchun uzr so‘ralgan holda yondosh ko‘chalardan harakatlanishlari tavsiya etiladi.

A.RUSTAMOV, O‘zA