Барча спорт турлари каби хоккей бўйича Ўзбекистон миллий терма жамоасининг келгуси 2025 йилги режа ва мақсадлари белгилаб олингани бўйича мамлакат хоккей федерацияси вице-президенти Баҳодир Ғофуров журналистларга маълум қилди.

Мутасаддининг таъкидлашича, 2025 йилдан хоккей бўйича Ўзбекистон миллий терма жамоалари ташкил этилади.

Шу мақсадда Тошкентнинг “Ҳумо“ клубига тегишли етти-саккиз нафар россиялик хоккейчи миллий терма жамоа таркибига киритилади. Ҳозирда уларни фуқароликка қабул қилиш жараёнлари олиб борилмоқда.

Мамлакатимиз хоккей терма жамоалари келгуси йили иккита нуфузли мусобақада иштирок этиши белгиланган. Булар 18 ёшгача бўлганлар ҳамда катталар ўртасидаги жаҳон чемпионатларидир.

Эслатиб ўтамиз, келгуси йилнинг 13-19 апрель кунлари Арманистон пойтахти Ереван шаҳрида ўтадиган жаҳон чемпионатининг IV дивизионида Ўзбекистон хоккей терма жамоаси илк бор иштирок этади.

Т.Рўзиев, ЎзА