Ўзбекистон Журналистлар уюшмаси томонидан Ўзбекистон Ёзувчилар уюшмаси ва бир қатор ташкилотлар ҳамкорлигида Қуролли Кучларимиз ташкил этилганининг ўттиз уч йиллиги ҳамда Ватан ҳимоячилари куни муносабати билан “Ватан – азиз, жасорат – мангу!” республика танлови ўтказилиши эълон қилинади.

Танловга “Янги Ўзбекистон армияси – мамлакат таянчи, халқимиз фахри!” деган бош ғояни ўзида мужассам этган журналистик материаллар, ёзувчи ва шоирларнинг асарлари қабул қилинади.

“Ватан – азиз, жасорат – мангу!”  танлови қуйидаги номинациялар бўйича ўтказилади:

1. ОАВ вакилларининг журналистик материаллари бўйича; (бу йўналишда босма ОАВ, интернет нашрлари ва телеканаллар журналистлари иштирок этишлари мумкин)

2. Ёзувчи ва шоирларнинг бадиий асарлари бўйича;

Эслатма: ҳужжатлар электрон тартибда қабул қилинади.

Танловга тақдим этилган ижодий ишларга қуйидаги ҳужжатлар илова қилиниши лозим:

- муаллиф ва унинг профессионал фаолияти тўғрисида қисқача маълумот;

- муаллифнинг паспорт нусхаси;

- муаллифнинг манзили ва боғланиш телефонлари.

Танловга 2024 йилнинг 20 январидан 2025 йилнинг 1 январигача бўлган даврда эълон қилинган материаллар - асарлар 2025 йилнинг 3 январигача қабул қилинади.

Танлов ғолиблари Ўзбекистон Республикаси Қуролли Кучлари ташкил этилганининг ўттиз уч йиллиги ҳамда Ватан ҳимоячилари куни байрами арафасида мукофотланадилар ва уларнинг рўйхати матбуотда эълон қилинади.

Ижодий ишлар “Ватан – азиз, жасорат– мангу!” танловига деб кўрсатилган ҳолда қуйидаги электрон манзилларга юборилиши лозим:

Ўзбекистон Журналистлари уюшмаси, 100011. Тошкент шаҳри, Навоий кўчаси, 30-уй. Тел.: 71 244-64-62 (+998994661025 рақамдаги телеграм манзил)

Ўзбекистон Ёзувчилар уюшмаси, 100066, Тошкент шаҳри, Бунёдкор кўчаси, Адиблар хиёбони.тел. 71 231-83-49 (+998944108017 рақамдаги телеграм манзил)

Ташкилий қўмита